दिदीको छोरो पुडकेले गाइ दुहेर दुध कराहीमा खान्यायो । बाबुले दुध तताउन लाग्यो । हामीले थाकेको सरिरलाइ बिसायौ । सानी छोरी र छोरालाइ बल्ल बल्ल उठाएर दुध भात बनाएर खुवाउन थाले । बाबुले बा त कसैको मलाम जानु भाछ । कतिखेर आउनु हुन्छ । केहि थाहा छैन भन्यो । दाइ र मिताले भान्छा को तयारीमा सहयोग गर्न थाल्नु भयो । मैले चामल केलाउन थाले । केहि आलुका गेडा थिए । साग थियो बारीमा, अध्यारै भए पनि टिपन तापन गरेर, आलुको झोल र साग बनायौ । पुरोत्याई गरेर ल्याएका रात पहेला चामल बेस्सरी धोएर भात बसाले । यति गरिसकेपछि टुप्लुक्कै वहा पनि आउनु भयो । मलाम गैर आएको मान्छे, नुहाई धुवाई गरि धुप द्वार गरेर भित्र बस्नु भयो । र सबैलाइ भात पस्किदिए । सबैले खायौ । भोक थकाइले गर्दा सबै खानेकुरा अति नै मिठो भयो ।
अर्को दिन बिहान ज्वाई जेठान भएर नौकट्टी नया कटान भएको ठाउमा हेर्न जानु भयो । नया कटान भएका जग्गा सरकारी दाममा किन्न पाइन्थ्यो । कसैले आफ्नो नाममा गरिसकेकाले सो जग्गा बेच बिखन पनि गरेका हुन्थे । नौकट्टीको पुर्ब जंगलको छेउमा सुकुम्बासीको बस्ति थियो । जंगललाइ फडान गरि आफ्नो जग्गा साध सिमाना गरेर खेति गर्न थालेका थिए । नया कटान जमिनमा खेतीपाती असाध्यै राम्रो फल्दो रहेछ । कुलापानीको ब्यबस्था नभए पनि, छरुवा धान, टिपन तापन गरेर भकारी भरिने । अझै राम्रै हिल्याएर धान रोप्न पाए कति फल्दो हो ?
यो ठाममा पहाडका बिभिन्न जिल्लाका मान्छे आइ बसेका थिय । मिताले त म मधेस झर्दीन केरे । आफ्नै गाउ फर्किन्छु भन्नु भयो । दाइ मधेस झर्न मिल्ने अबस्था नै थिएन । बा प्यारा लाइसीस भएर थला परेको धेरै भै सक्यो । अर्को भाइ छैन जिम्मा लाएर औ भने पनि भन्दै हुनु हुन्थ्यो । एकादीन थाके मारेर दाइ र मिता अब बटुली गएर नुन तेलको किनकान गरि जान्छु भनेर पहाड फर्कनु भयो ।
क्रमश :
000