गजल- बेहालै बनायो

Share

कोरोनाले संसारलाई बेहालै बनायो
लक्डाउनले मान्छेलाइ पागलै बनायो

छैन रासनपानी घर, बाहिर छ बन्द
लक्डाउनले आकुल ब्याकुलै बनायो

काम छैन पैसा छैन न रासन पानी छ
यस्तै हो भने भोकै मर्ने उसैले बनायो

ताण्डब्य नाच नाच्दै छ जताततै यहाँ
यो रोगको औषधी न त कसैले बनायो

जसलाई पर्यो, उस्ले भोगेको छ यहाँ
भोगेका र परेकालाइ आपत्तै बनायो

न छुनु छ, न त अँगालो हालेर रुनु छ
आफै आफैमा नै यसले अछुतै बनायो

कोरोना कतै राजनीति होला कतै धन्दा
रोग हो कि महामारी हो अन्योलै बनायो

डुब्दै छन उधोग ब्यापारहरु संसारका
मान्छेका कमाउने बाटो सखापै बनायो

09/07/2020

Leave a Comment

Share