हरेक सपना पूरा हुनै पर्छ भन्ने पनि छैन,
हरेक प्रेमीले खुशी पाउनै पर्छ भन्ने पनि छैन।
कुनै बेला नजरमा बस्थ्यो तिम्रो त्यो अनुहार,
सधैँ उस्तै चमक रहनै पर्छ भन्ने पनि छैन।
जिन्दगीको यात्रामा कति साथ हिँड्यौँ हामी,
सँगै हिँड्ने सबै सहयात्री हुनै पर्छ भन्ने पनि छैन।
सपनाका रङहरूमा हराउँदा तिम्रा यादहरू,
हरेक रङमा तिमी नै रहनै पर्छ भन्ने पनि छैन।
मनका कुरा ओठसम्म आएनन् भने के भयो र,
हरेक पीडा शब्द बनेर पोखिनै पर्छ भन्ने पनि छैन।
कहिलेकाहीँ चुपचाप मै धेरै कुरा भनिन्छ,
हरेक कुरा शब्दले नै बोल्नै पर्छ भन्ने पनि छैन।
बिछोडमा यी मेरा नयन कहिलेकाहीँ बर्सिन्छन्,
हरेक आँसु तिम्रै लागि झर्नै पर्छ भन्ने पनि छैन।
तिम्रो याद आउँछ, मन केही बेर रोकिन्छ,
हरेक पल तिमीलाई सम्झिरहनै पर्छ भन्ने पनि छैन।
जसको दिलबाट साँचो प्रेम निस्कन्छ भन्छन्,
उसले आफ्नो मंजिल भेट्नै पर्छ भन्ने पनि छैन।
कतिपय प्रेमहरू अधुरा भएर पनि सुन्दर हुन्छन्,
हरेक कथा मिलनमै टुंगिनै पर्छ भन्ने पनि छैन।
कहिले तिमी मेरो थियौ, कहिले म तिम्रो थिएँ,
त्यो सम्बन्ध सधैँ उस्तै रहनै पर्छ भन्ने पनि छैन।
समयले छुटायो भने मुस्कुराएर स्वीकारौँला,
हरेक भेट जीवनभरको हुनै पर्छ भन्ने पनि छैन।
८/१४/२०२६
See less