सायद म तिमीसंग भेटन पाउने छैन
हे प्रिय बात गर, सुन्न फेरी पाउने छैन
नसोध मलाइ यहाँको हालखबर के छ ?
जताततै कोरोना, अस्पतालमा बेड छैन ।
घांटीमा खसखस छ मन्दमन्द छ ज्वरो
निस्कन लकडाउन छ, रासन पानी छैन ।
लत्रेको जिउले टेक्दैन अध्यारो मात्रै देख्छ
एक्लो छु कोठामा, तातोपानी दिनेकोइ छैन
त्यो सानी छोरीलाइ देखाउन एक पटक
अभागी रहिछ उ बाबा भन्न पाउने छैन
सुन्दै छु, अस्पतालामा लासको खात छ
एम्बुलेन्स बोलाको आउछ भन्ने आश छैन
शक्तिशाली अमेरिका भनेर के गर्नु प्रिय
मिसाइल छ, युध्दपोत छ भेन्टिलेटर छैन
कोविद उन्नाइस मान्छे खाने राक्षस रैछ
पल्कि राछ, म तिर आउन कत्ति बेर छैन
जहाज चल्दैन, आउन मन भएर के गर्नु
केहि मिठा बात् गर, सुन्न फेरी पाउने छैन
एस्तो होला भन्ने कहाँ सोचेका थियौ र
बन्द भए सबै बाटा, भेटन पाउने छैन
पिर नगर प्रिय,उज्यालो भए होला त्यता
लड्दै छु कोरोनासंग के हुन्छ थाहा छैन
सायद म तिमीसंग भेटन पाउने छैन
हे प्रिय बात गर, सुन्न फेरी पाउने छैन
०४/२१/२०२०