पुण्डरी अर्याल
पुण्डरी अर्याल

अध्यात्मको बाटोमा- ९ (योगसाधनाबारे )

योगको बारेमा धेरै पुस्तक लेखिएका छन् | आज संसारमा योगको महत्व बढेको छ | योग यस्तो बैज्ञानिक जीवन शैली हो जसमा तपाइँ हामी गृहस्त हुदाहुदै पनि यौगिक जिबन बिताउन सक्छौ | यथा सम्भब श्रोत र साधनले जिबनलाई उत्कृष्ट र भव्यता बनाउन सक्छौ | योग एउटा शान्त, सुशील, धैर्य, भयमुक्त र खुशी र स्वास्थ्य भएर बाच्ने कला हो | यो योग र ध्यानले समस्त विश्वलाई शान्तिकामी बनाउन सक्छ ! यसलाई अबलम्बन गर्न सकेमा प्रत्येक व्यक्ति कर्तब्यनिष्ट हुन मदत गर्छ | उ कर्म योगी बन्न सक्छ अझ त्यो भन्दा माथि उठेर समाज र देश प्रति जिम्मेवार बनाउन मद्दत गर्छ |
म पनि अहिले योग र ध्यानको अनुसंधात्मक अध्ययन र प्रयोगमा जुटिरहेको छु | योग र ध्यान सम्पूर्ण मानवजातिको सरिर, मन र मश्तिश्कको सुस्वास्थ्य र खुशीको लागी हो | यसको अबलम्बन गरेर आफुलाई एक सफल र असल मानव बनाउन सक्नु हुने छ | असफलता, असक्षमता, कुण्ठा, डिप्रेसन र अन्य मनोगत रोगबाट मुक्त हुन सकिने छ | तपाइँ हामी  बिचमा आत्मबलको भरपुर निर्माण गर्न सकिने छ | ज्ञान भनेको जती  धेरै बुझ्ने भइएको हुन्छ, आफुलाई त्यतिनै अज्ञानी जस्तो भएको जस्तो लाग्दछ | किनकि शास्त्रहरू यती धेरै छन कि सबै शास्त्रहरू पढन र बुझ्न अति नै गारो पनि छ | मानिस ज्ञान सागरबाट पार हुन भने असम्भव नै छ भन्दा पनी हुन्छ | हामी मध्येमा पनि धेर थोर जानेर पनि आफुलाई सर्वज्ञाता ठानेका हुन्छौ | त्यो अज्ञान नै हो, धेरै मानिसहरु अरुको व्यक्तित्वसंग टासिएर ठुलो हुने कसरत गरिरहेका हुन्छन | प्रचारमा आइराखेका छन पनि | अरुको व्यक्तित्वसित टासिएको मान्छे उ संग अलग हुने बित्तिकै त्यो व्यक्ति खोक्रो र  हैसियत बिहिन भएको पाउछौ  |
प्रत्येक मान्छेले एक किसिमको घमण्डपन पाली राखेका छन | उसको सम्पती, राम्रो जागिर, ब्यबसाय, राम्री स्वास्नी, राम्रो घर र  सुखका साथीभाई देखेर आफुलाई सौभाग्य ठानिरहेका मानिसहरु दुखका दिनमा उ संग यी सबै चिजहरु अन्तै सरेर गएका हुन्छन | यो कुरा मानिसले बुझ्न सक्दैन | जब बुझ्छ ढिलो भैसकेको हुन्छ | यी सबै चिजसंग उसको व्यक्तित्व गासिएको हुन्छ | उसको पहिचान बनेको हुन्छ, उसको इज्जत जोडिएको हुन्छ | यी सबै आफुसंग नहुदा उ खोक्रो हुन्छ उ संग केहि हुदैन, अस्तित्वहीन हुन्छ | मानिसले कहिल्यै आर्जन गर्न नसकेको ज्ञान योग साधनाले प्राप्त गर्न सकिने कुरामा म बिस्वस्त हुनपुगेको छु | बाहिरि आडम्बरबाट मुक्त भएर आत्मज्ञानको तर्फ लगाउन सकेमा मान्छेले अलौकिक आनन्द र सन्तुष्टि लिन सक्दछ | हामीले आफुले सत्कर्म गर्न छोडेर अरुको देखासिखी कर्म गरिरहेका छौ | यस किसिमको कर्मलाई प्रति कर्म भनिन्छ | जुन कर्म आफ्नो औकातले नपुग्ने हुन सक्दछ र त्यसले शुख दिनुको साटो दुख दीराइखेको छ हामि सबैलाई  | त्यसैले तपाइको आफ्नो हैसियत र आफुलाई आबस्याक पर्ने साधन अनुसारको आफ्नो जिबनशैली बनाउनु र त्यसबाट भरपुर आनन्द लिन सिकौ  | भविष्यको सुखको लागि बर्तमान जीवनलाई संकटमा नपारौ, बर्तमानमा जीउन सिक्यौ भने त्यसमा रमाउन सक्यौ भने जीवनको सबभन्दा बढी समय आनान्दमय हुने छ | मान्छेका दुखभित्र पनि स-साना सुखका क्षणहरु हुने गर्छन,  त्यो सानो सुखको क्षणको भरपुर सदुपयोग गर्नु पर्दछ | मान्छेका सुख दुखको अनुभूति मनको अनुभूति हो | यहि सुखको अनुभूति प्राप्त गर्नको लागी योग साधना सबभन्दा उपयुक्त माध्यम हो | सम्पूर्ण दुखको सागरबाट पार पाउने मुख्य उपाए योग साधना हो | यो सबभन्दा छोटो मार्ग नै हो |

सबैको कल्याण होस् !

पुण्डरी अर्याल
०२/२३/२०१६

Leave a Reply